IPES Elkartearen Emakumeen Liburutegia-Dokumentazio Zentroa 1985eko martxoaren 8an zabaldu zen, emakumeen inguruko dokumentazioa bildu eta emakumeek idatzitako literatura zabalduko lukeen gune bat eskaintzeko asmoz.

"Fondo espezializatu bat sortzea, emakumeen, ikasleen, ikertzaileen, taldeen eta, oro har jende guztiaren eskura jartzea, hauxe izan da urte hauetako lana. Asmoa, berriz, honako hau da, humanitatearen historiari, ideien, artearen eta kulturaren munduari egin diogun ekarpena berriz eskuratzea, emakumeen egoera eta gure aniztasuna ezagutzea, oparotasun hori, orain artean ikusezina izan delarik, gure eskura jarriz, aukera berdintasuna egiazkoa izanen deneko etorkizun hori hurbilago izateko".